Chevrolet автомобилин сатып алуу менен Сиз жолдун ар бир чакырымында ишенимдүүлүк жана ишенимди тандайсыз. Биз жогорку сапатка кепилдик беребиз жана ар бир сапар жагымдуу жана ыңгайлуу болушун каалайбыз.
Кепилдиктин негизги шарттары:
- жарактуулук мөөнөтү: жаңы автомобилди расмий ортомчу (дилер) саткан күндөн тартып 3 жыл же жүргөн аралыгы 100 000 км чейин (кайсынысы биринчи келсе ошонун негизинде);
- кузовдун туруктуу коррозиясынан коргоого кепилдик: эгерде эксплуатациялоо жана тейлөө эрежелери сакталган шарттарда, 3 жыл же 100 000 км;
Заводдун кепилдиги
Эксплуатациялоонун кепилдик мөөнөтү өндүрүүчү тарабынан белгиленет жана тейлөө китепчесинде жазылат:
- өткөрүп берүү-кабыл алуу актысына кол коюлган күндөн тартып 36 ай;
- жүргөн аралыгы 100 000 км ашпаганда (кайсынысы мурда келсе, ошого жараша).
Өзгөчөлүктөрү:
- заводдун кепилдигин узартуу каралган эмес;
- кепилдик оңдоо иштери Chevrolet регламенти боюнча расмий ортомчу (дилер) тарабынан аткарылат;
- алмаштырылган тетиктер өндүрүшчүнүн менчигине өтөт;
- кепилдик тийиштүү түрдө кам көрүлүп жана техникалык тейлөө жүргүзүлгөн шартта жарактуу бойдон сакталат.
Кошумча маалыматтар:
Сатуучу же субагент кошумча жабдууларды (сигнализация, аудио системалар, камералар, чуу тосмо каражаттары ж.б.) орнотууга кепилдик берет — орнотулган күндөн тартып 1 ай.
Кузовго жана айрым түйүндөргө кепилдик
Айрым тетиктер үчүн кыскартылган кепилдик мөөнөтү колдонулат:
- жүргөн аралыгы 20 000 км чейин же 12 ай эксплуатациялоо:
- өндүрүп чыгаруу тутумунун элементтери (катализатордон тышкары);
- кычкылтектин билдиргичтери (датчиктери);
- көркөмдүк каптама тилкелер (молдингдер), радиатордун торчосунун беттемеси, каптамалар;
- алюминий бөлүктөрүнүн лак-боёк менен сырдалышы (чатырдагы доголор, күзгүлөр, айнек тазалагычтардын рычагдары);
- аккумулятор;
- тормоз колодкалары, дисктер жана барабандар;
- кыймылдаткычтын илип тиркелген агрегаттарынын айланууну өткөрүүчү туюк тасмалар (привдные ремни);
- чаңдыктар, втулкалар, тыгыздоочулар;
- дисктердин көркөмдүк капкактары жана лак-боёк сырдалыштары.
Запастык бөлүктөргө кепилдик
Кепилдик төмөнкүлөргө колдонулбайт:
- табигый эскирүүгө дуушар болгон чыгымдалуучу материалдар жана элементтер:
- чыпкалар, от алдыргыч шамдар, илиштирүү (жетеленме диск), айнек тазалагычтары, сактагычтары, ысытуу лампалары;
- автомобилдин мүнөздөмөлөрүнө таасир этпеген шуулдоолор, титирөөлөр, акустикалык ыңгайсыздык;
- майдын чыгымына таасир этпеген май жылчык тыгындарынын (сальниктердин) жана тыгыздоочулардын аймагындагы жеңил нымдануулар.
Маанилүү: тетиктердин табигый эскириши (эксплуатациялоо жана айлана-чөйрөнүн таасири астында) кепилдик учур болуп эсептелбейт.