Садыр Жапаров Chevrolet Tracker автоунаасын Андрей Панаевге Иссык-Куль жээгин тазалаганы үчүн тапшырды

Кыргыз Республикасынын Президенти Садыр Жапаров экоактивист Андрей Панаев менен жолугушту. Ал Иссык-Куль жээгинде ыктыярдуу түрдө таштанды тазалап жүргөнү менен белгилүү болгон.

Активисттин эмгегин баалап, президент ага ата мекендик өндүрүштөн чыккан Chevrolet Tracker автоунаасынын ачкычын тапшырды.

«Жээкте таштанды тазалап жүргөнүңүздү көргөндө сизди жергиликтүү жигит деп ойлодум. Кийин турист экениңизди айтышты. Сиздин ишиңиз көптөргө үлгү. Биз жаратылышты сактап, аны кийинки муундарга таза бойдон өткөрүп берүүгө милдеттүүбүз. Бул ар бирибиздин парзыбыз. Сиз азаматсыз!» — деп белгиледи Садыр Жапаров.

Өз кезегинде Андрей Панаев Кыргызстанга турист катары келгенин айтып, 2024-жылы Иссык-Кульдө эс алып жатып, адамдарды тазалыкка үндөө максатында жээкти өз алдынча тазалай баштаганын билдирди. Ал Кыргызстанды өз үйү катары көрүп, бул жерде калууну чечкенин кошумчалады.

Chevrolet Kyrgyzstan үчүн ата мекендик автоунаа эми Андрейдин жакшы демилгелеринде коштоп жүрөрү кубанычтуу. Биз үчүн өз үлгүсү менен Кыргызстанды таза кылып, башкаларды жаратылышка кам көрүүгө шыктандырган адамдарды колдоо — чоң сыймык.

Андрей Панаев менен жолугушуудан жана белектен алган таасирлери тууралуу видеону бул жерден көрө аласыз: https://youtu.be/rqJ9YBh9RQ4?si=aBByekGArki-GidB