Баары Chevrolet жөнүндө
Кардарларды тейлөө кызматы
2026-жылдын 23-апрелинде Кыргызстанда жергиликтүү өндүрүштөгү биринчи Chevrolet Tahoe жол тандабасы, ошондой эле жаңыланган Chevrolet Damas унаасынын презентациясы болуп өттү. Иш-чара Кыргыз Республикасындагы АКШ Элчилигинин колдоосу менен уюштурулуп, өлкөнүн автоөнөр жайын өнүктүрүүдөгү жана эл аралык кызматташууну бекемдөөдөгү маанилүү кадам болуп калды.
Ачылыш аземинде куттуктоо сөзү менен Chevrolet Kyrgyzstan компаниясынын башкаруучу директору Константин Юрьевич Шведчиков, Кыргыз Республикасындагы АКШнын Атайын жана Ыйгарым укуктуу Элчиси Лесли Вигери, ошондой эле «Кепилдик фонд» ААК Башкармасынын төрагасынын орун басары Эрик Нурдинович Таласбаев сөз сүйлөштү. Алар өз сөздөрүндө өндүрүштүн башталышынын маанисин жана өнөктөштүктүн өлкөнүн авто тармагын өнүктүрүүдөгү ролун белгилешти.
Иш-чаранын жүрүшүндө бренддин өзгөчө позициясы баса белгиленди: бүгүнкү күндө Chevrolet унаалары — бул «кыргыз жүрөгү, америкалык ДНК». Бул түшүнүк жергиликтүү өндүрүштү, улуттук өзгөчөлүктү жана эл аралык сапат стандарттарын айкалыштырат.
Презентацияга мамлекеттик органдардын өкүлдөрү, ири компаниялардын өкүлдөрү, жеке сектордун катышуучулары, ошондой эле белгилүү блогерлер жана инфлюенсерлер катышты. Иш-чара тажрыйба алмашуу, байланыштарды чыңдоо жана ата мекендик автоөнөр жайдын мүмкүнчүлүктөрүн көрсөтүү үчүн маанилүү аянтча болду.
Коноктор жаңы жана буга чейин сунушталган Chevrolet моделдери менен жакындан таанышып, алардын техникалык мүнөздөмөлөрүн, дизайнын жана жабдылыш деңгээлин баалоого мүмкүнчүлүк алышты. Өзгөчө көңүл Кыргызстанда өндүрүлө баштаган флагмандык Chevrolet Tahoe жана рынокто суроо-талап жогору бойдон калып жаткан жаңыланган Chevrolet Damas моделдерине бурулду.
Өндүрүштүн башталышы жана жаңы моделдердин презентациясы коомчулукта кеңири резонанс жаратып, маалымат каражаттарында чагылдырылды. Бул окуянын мааниси авто тармак үчүн гана эмес, жалпы өлкө экономикасы үчүн да чоң экенин көрсөтөт.
